Ish vaqti va toʻlov muvofiq kelishi kerak
Xodimlar uchun ish vaqtining normal davomiyligi haftasiga 40 soatdan oshmasligi lozim (MK 115-m.), bu toʻliq stavkaga (1,0) toʻgʻri keladi. Haftasiga 20 soat esa savolda koʻrsatilgan chorak stavkaga (0,25) emas, balki yarim stavkaga (0,5) toʻgʻri keladi. Shu bois stavka miqdorini va ish vaqti davomiyligini aniqlashtirib olish lozim, ular bir-biriga muvofiq boʻlishi kerak.
Chorak (0,25) stavka uchun haftasiga 10 soatlik ish vaqti davomiyligi me’yor hisoblanadi. Ushbu ish vaqti soatlarini tabelda tomonlarning kelishuviga koʻra taqsimlash mumkin. Oʻrindosh uchun asosiy talab asosiy ish vaqtidan boʻsh vaqtda ish bilan band boʻlish hisoblanadi, uning bir kundagi umumiy davomiyligi 12 soatdan oshmasligi lozim.
Mehnat shartnomasida хodim qanday stavkaga ishga qabul qilinganligini koʻrsatish, uning ish vaqtini va ishlangan vaqtga mutanosib holda mehnat haqini toʻgʻri belgilash lozim.
Ishga qabul qilish toʻgʻrisidagi buyruq tuzilgan mehnat shartnomasi mazmuniga mos kelishi kerak (MK 82-m.).
Javoblar ular e’lon qilingan sanada dolzarb hisoblanadi.