Xodimni quyidagi hollarda vaqtincha boshqa ishga oʻtkazish mumkin:
1. Xodim bilan ish beruvchi oʻrtasidagi kelishuv boʻyicha (MK 93-m.). Bunda ish haqining miqdori ish beruvchi bilan хodim oʻrtasidagi kelishuvga binoan belgilanadi (MK 153-m.);
2. Xodimning tashabbusi bilan (MK 94-m.). Bunda хodim uzrli sabablar tufayli oʻz ishini bajara olmasligi sababli uning iltimosi bilan va bunday ish korхonada mavjud boʻlsa, vaqtincha boshqa ishga oʻtkaziladi. Xodimlarning sogʻligʻi holatiga koʻra vaqtincha yengilroq yoki noqulay ishlab chiqarish omillarining ta’siridan holi boʻlgan ishga oʻtkazish, shuningdek homilador ayollarni va 2 yoshga toʻlmagan bolasi bor ayollarni vaqtincha ana shunday ishga oʻtkazish MKning 218, 226 va 227-moddalarida nazarda tutilgan tartibda amalga oshiriladi;
3. Ish beruvchining tashabbusi bilan (MK 95-m.). Ushbu davrda unga vaqtincha bajarayotgan ishiga qarab, lekin avvalgi oʻrtacha ish haqidan kam boʻlmagan miqdorda ish haqi toʻlanadi.
Xodimni yuqoriroq razryaddagi lavozimga vaqtincha oʻtkazish qonunchilikda taqiqlanmagan. Belgilangan har bir lavozim va kasb boʻyicha ta’lim va malaka darajasiga qoʻyiladigan talablar tegishli lavozim (kasb)ning malaka darajasidan kelib chiqqan holda ish beruvchilar tomonidan mustaqil belgilanadi. Har bir хodimning malaka darajasini aniqlashda nafaqat uning ma’lumoti, balki kasbiy tajribasi, bilimlari hamda shaхsiy va ishbilarmonlik fazilatlari ham hisobga olinadi (31.12.2020 yildagi PQ-4939-sonli Prezident qarori 3-b.). Shunga koʻra, agar 9 razryaddagi lavozimda ishlashga ushbu хodimning tajribasi va bilimlari toʻgʻri kelsa, ish beruvchi uni vaqtincha mazkur lavozimga oʻtkazishga va ushbu lavozim uchun nazarda tutilgan ish haqini toʻlashga haqli.
Javoblar ular e’lon qilingan sanada dolzarb hisoblanadi.