Savolning ID si: 23002
Fuqaro korхonada 1991 yildan 2002 yilgacha ishlagan. 2002 yilda fuqaro bilan mehnat shartnomasi bekor qilingan. Mehnat shartnomasini bekor qilish toʻgʻrisidagi buyruqda foydalanilmagan mehnat ta’tillari uchun pulli kompensatsiya berish koʻrsatilmagan. 2022 yilda fuqaro korхonaga ariza bilan murojaat qilib, ishlagan davrida mehnat ta’tiliga chiqmaganligi aytib, foydalanilmagan ta’til uchun pulli kompensatsiya toʻlashni talab qildi.
Fuqaroning 1991-2002 yillarda ishlagan davriga foydalanilmagan ta’til pulini hisoblashda lavozim maoshi 2002 yildagi ish haqi boʻyicha hisoblanadimi yoki 2022 yildagi boʻyichami?
Ekspertlarning javoblari:
Ta’tillar vaqtiga haq toʻlash хisob-kitob qilish kunidagi tarifikatsiya boʻyicha belgilangan ish haqi yoki lavozim maoshidan kelib chiqqan holda hisoblab chiqariladi (VMning 11.03.1997 yildagi 133-son qaroriga 6-ilovaning 1-b.). Shunga koʻra, foydalanilmagan ta’tillar pulini 2022 yildagi maosh boʻyicha hisoblash lozim.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 