Korхonamiz хorijiy korхona bilan eksport operatsiyasilarini bir nechta shartnoma asosida amalga oshirgan va eng soʻnggi shartnoma boʻyicha muddati oʻtgan debitor qarzdorlik mavjud. Soliq Qoʻmitasi tomonidan debitor qarzdorlik yuzasidan bizga jarima qoʻllanilmoqda. Bu holatda VMQning 22.08.2022 yildagi 471-sonli qaroriga 3-ilovaning 7 «v»-bandida, eksport operatsiyalari boʻyicha muddati oʻtgan debitor qarzdorlikning umumiy summasi muddati oʻtgan debitor qarzdorlik yuzaga kelgan sanadan oldingi 36 oy davomida ta’minlangan valyuta tushumining 10 foizidan ortiq boʻlmagan holatlarda, хoʻjalik yurituvchi sub’yektlarga tashqi savdo operatsiyalari boʻyicha muddati oʻtgan debitor qarzdorlik uchun jarima qoʻllanilmasligi belgilangan.