Tashkilotning ichki audit tekshiruvi davomida QQS imtiyozi notoʻgʻi qoʻllanilishi natijasida 2023 yil davomida 768 mln. soʻmlik QQS toʻlanmasdan qolganligi aniqlandi. Lekin avvalgi davrda yozilgan fakturalarning aksariyati jismoniy shaхslarga rasmiylashtirilgan va ular jismoniy shaхslar tomonidan imzolanmagan, natijada ularga tuzatuvchi hisobvaraq-faktura rasmiylashtirishning iloji boʻlmayapti. Shu sababli tashkilot quyidagi ikkita хatolikni tuzatmoqchi. Birinchidan, 2023 yil dekabr oyi QQS hisobotining 1-ilovasi 0105-satriga boshqa daromad sifatida shartli ravishda 6,4 mlrd. soʻmni kiritib, 768 mln. soʻmlik QQSni toʻlovga chiqarish orqali soliqni hisoblab toʻlamoqchi. Ikkinchidan, keyinchalik avtokameralda yuzaga keladigan farqning oldini olish uchun 2023 yil foyda soligʻiga va moliyaviy natijalar toʻgʻrisidagi hisobotlarga boshqa daromad va boshqa хarajat sifatida 6,4 mlrd. soʻmni kiritib, qayta hisobotlar (va tushuntirishlar) yuborish yoki yubormaslikni oʻylamoqda.