Patent vakillari tomonidan talabnoma topshiruvchi norezidentlar nomidan ishonchnoma asosida davlat patent bojining to'lanishi qonuniy asosga egami? Bojni milliy valyutada to’lash qanchalik qonuniy?

Savolning ID si: 30433

Davlat patent bojini talabnoma topshiruvchining o'zi to'lashi kerakligi “Davlat boji to'g'risida”gi Qonunning 4-moddasida quyidagicha belgilangan: "Vakolatli muassasalarga va (yoki) mansabdor shaxslarga murojaat qilayotgan va o‘ziga nisbatan yuridik ahamiyatga molik harakat va (yoki) hujjatlar berish amalga oshiriladigan yuridik va jismoniy shaxslar davlat bojini to‘lovchilardir". Biroq hozirgi kunda patent vakillari davlat patent bojlarini talabnoma topshiruvchi norezident nomidan ishonchnoma asosida milliy valyutada to'lamoqda. Bu ishonchnoma patent vakilini talabnoma egasiga aylantirib qo'ymaydi-ku. Norezidentlar uchun davlat patent boji to’lovlari "Valyutani tartibga solish to'g'risida"gi Qonunning 14, 15-moddalarida joriy xalqaro (transchegaraviy) operatsiyalar ekanligi belgilangan.