Kafillik (kafolat) berish bilan shugʻullanuvchi aksiyadorlik jamiyati shaklidagi tashkilot oʻz faoliyatini boshladi. Tashkilot faoliyati davomida sof aktivning 15 foizidan baland miqdordagi kafillik (kafolat) shartnomasini imzolamoqchi. OʻRQ-370-son Qonunning 83-moddasida jamiyat tomonidan imzolanadigan bitim (shu jumladan kafillik shartnomalari ham nazarda tutilgan) summasi bitim tuzish toʻgʻrisidagi qaror qabul qilinayotgan sanada jamiyat sof aktivlarining 15 foizidan ortigʻini tashkil etsa, yirik bitim deb hisoblanadi, kundalik хoʻjalik faoliyatini yuritish jarayonida tuziladigan bitimlar bundan mustasno deb koʻrsatilgan. Qonunning 84-moddasida esa bitim summasi jamiyat sof aktivining 15 foizidan 50 foizigachasini tashkil etsa, yirik bitim tuzish toʻgʻrisidagi qaror jamiyat kuzatuv kengashi a’zolari tomonidan bir ovozdan qabul qilinishi koʻrsatilgan.