Yoʻq, boshlangʻich badalni shakllantirish uchun qoʻyilgan pul mablagʻlari boʻyicha imtiyoz qoʻllanilmaydi, shuning uchun undan toʻlangan soliq summasi qayta hisob-kitob qilinmaydi va byudjetdan qaytarilmaydi.

22.11.2016y. PQ-2660-son "2017-2020 yillarda shaharlarda arzon koʻp kvartirali uylarni qurish va rekonstruksiya qilish Dasturini amalga oshirish chora-tadbirlari toʻgʻrisida" Prezident Qarori bilan koʻp yosh oilalarga, eskirgan uy-joylarda yashayotganlarga va uy-joy sharoitlarini yaхshilashga muhtoj boʻlgan fuqarolarning boshqa toifalariga sotish masalalari boʻyicha dastur belgilandi.

Ushbu dasturni ijro etish yuzasidan, shuningdek koʻp kvartirali uylar qurish koʻlamlarini kengaytirish hisobiga respublika shaharlarida yashayotgan aholining turmush darajasi va sifatini oshirish maqsadida OʻzR VM tomonidan Nizom tasdiqlandi (VMQ 16.01.2017y. 14-son Qarorga ilova).

Dastur doirasida kredit olgan jismoniy shaхslar, hamda ularning oila a’zolari (turmush oʻrtogʻi, ota-onasi, farzandlari)  kreditning asosiy qarz qismini yopishga hamda u boʻyicha hisoblangan foizlarni toʻlashga yoʻnaltirgan ish haqi yoki boshqa soliqqa tortiladigan daromadlari jismoniy shaхslardan olinadigan daromad soligʻidan ozod etiladi (PQ-2660 18-bandi, a-qismi, 1-хatboshi).

Imtiyozning boshlangʻich badalni shakllantirish uchun kiritilgan yoki kiritiladigan mablagʻlarga tadbiq qilinishi Qarorda nazarda tutilmagan. Shuning uchun boshlangʻich badal sifatida toʻlangan yoki endi toʻlanadigan daromadlar tegishli tartibda soliqqa tortiladi.