Вақтинча меҳнатга лаёқатсизлик варақасидаги шифр тўлов миқдорига таъсир қиладими

«2020 йил ноябрь ойида ходим иш жойида жиддий жароҳат олди. У 2021 йил май ойида  иш бошлади, ногиронлик йўқ. 2022 йил январь ойида у R00-R99 шифрли, 17.0-сатр коди билан вақтинча меҳнатга лаёқатсизлик варақасини олиб келди. Бу ҳолатда вақтинча меҳнатга лаёқатсизлик бўйича нафақа  қандай миқдорда тўланади?».

Саволга «Норма» эксперти Валерия ЛЯНДРЕС жавоб берди:

– Агар вақтинча меҳнатга лаёқатсизлик  илгари ишлаб чиқаришда олинган жароҳат оқибати бўлса, нафақа иш ҳақининг 100% миқдорида тўланиши керак.

Умумий қоидаларга кўра, вақтинча меҳнатга лаёқатсизлик бўйича нафақаларнинг миқдори ходимларнинг иш стажи ва ижтимоий аҳамиятли касалликлар турларига боғлиқ . Бундай касалликларга, хусусан, сил, онкологик касалликлар, янгидан пайдо бўладиган хатарли ўсимталар, жинсий йўл билан юқадиган касалликлар, ОИТС, мохов, руҳий касалликлар киради.     

Агар касаллик юқорида келтирилган рўйхатга кирмаса ҳамда ходим иш стажи ва диагнозидан қатъи назар нафақа 100% миқдорда тўланадиган тоифага кирмаса, нафақани  умумий асосларда тўланг :

•  умумий иш стажи 8 йил ва ундан ортиқ бўлган ходимларга ҳамда 21 ёшга етмаган чин (сағир) етимларга иш ҳақининг 80 фоизи миқдорида;
•  умумий иш стажи 8 йилгача бўлган ходимларга иш ҳақининг 60 фоизи миқдорида.

     Шунингдек, нафақа миқдорини аниқлашда ходимнинг иш стажи ва ташхисидан қатъи назар, ўртача иш ҳақининг 100% миқдорида нафақа тўланадиган тоифага кирмаслигини ҳисоб маълумотлари бўйича текширишни тавсия этамиз :

Булар:

• ишлаётган 1941 — 1945 йиллардаги уруш қатнашчилари;
• байналминал жангчилар ва уларга тенглаштирилган бошқа шахслар;
• қарамоғида 16 ёшга (ўқувчилар 18 ёшга) етмаган уч ёки ундан ортиқ болалари бўлган ходимлар;
• Чернобил АЭСдаги авария оқибатларини тугатишда қатнашган ходимлар;
• Чернобил АЭСдаги авария натижасида радиоактив ифлосланиш зонасидан эвакуация қилинган ва кўчирилган, қон ҳосил қилувчи органлар (ўткир лейкоз), қалқонсимон без касалликлари (аденома, рак) ва хавфли ўсмалар билан боғлиқ касалликларга чалинган ходимлар;
• меҳнатда майибланиш ва касб касаллиги натижасида вақтинча меҳнатга қобилиятсиз бўлган ходимлар.

Агар вақтинча меҳнатга лаёқатсизлик илгари олинган меҳнат жароҳати натижасида юзага келган бўлса, ушбу давр учун иш ҳақининг 100% миқдорида нафақа тўланг.

Агар вақтинчалик меҳнатга лаёқатсизлик варақасида кўрсатилган ташхис тўғрисида қарор қабул қилиш қийин бўлса, тиббий муассасадан хулоса билан касаллик тарихидан кўчирма олишни тавсия этамиз.

Шифр нимани англатади    Вақтинча меҳнатга лаёқатсизлик варақасининг 17.0 шифри «Вақтинчалик меҳнатга лаёқатсизлик бўйича ҳисоботлар»  шаклининг сатр рақамига мос келади .

Код R00-R99  халқаро таснифга тегишли (XVIII синф – бошқа жойларда таснифланмаган клиник ва лаборатория тадқиқотларида аниқланган аломатлар, белгилар ва меъёрдан четга чиқиш). У  вақтинча меҳнатга лаёқатсизлик варақасида кўрсатилмаслиги ва нафақани “оширилган" миқдорда тўлаш ҳуқуқини берадиган ташхисни аниқлаш учун асос бўлиши керак.

Агар вақтинчалик меҳнатга лаёқатсизлик варақасини расмийлаштириш билан боғлиқ шубҳа ёки саволлар пайдо бўлса, мазкур варақани берган тиббий муассасага мурожаат қилишни тавсия этамиз.