Ходимлар билан ёнғин хавфсизлиги бўйича машғулотларни ким ўтказади

Ёнғин хавфсизлигини таъминлаш – ташкилотларнинг мансабдор шахслари, раҳбарлари, шунингдек якка тартибдаги тадбиркорлар зиммасида.

Эксперт ва «Нормa» кадрлар хизмати раҳбари Валерия ЛЯНДРЕС ёнғин хавфсизлиги масалаларини изоҳлади.

Ёнғин хавфсизлигига қўйиладиган умумий талаблар Ёнғин хавфсизлиги қоидалари билан тартибга солинади (20.10. 2020 йилдаги 649-сонли ВМҚга илова).

Ташкилотларнинг ёнғин хавфсизлигини таъминлаш, агар тегишли шартномада бошқача қоида назарда тутилмаган бўлса, мазкур ташкилотларнинг раҳбарлари ва улар ваколат берган шахслар зиммасига юклатилади (мисол учун ижара шартномаси).

Эътибор беринг

Ёнғин хавфсизлигини таъминлашга доир вазифаларнинг ваколатли шахслар зиммасига юклатилиши раҳбарларнинг зиммасидан масъулиятни соқит қилмайди .

Ёнғин хавфсизлиги талаблари лавозим ва бошқа йўриқномаларда, зарур ҳолларда эса тегишли шартномаларда акс эттирилиши керак.

Иш берувчининг зиммасига ходимларнинг техника хавфсизлиги, ишлаб чиқариш санитарияси, ёнғинга қарши ва меҳнат муҳофазасининг бошқа қоидалари бўйича йўл-йўриқ ўтказиш мажбурияти, шунингдек ходимлар томонидан меҳнат муҳофазаси бўйича барча талаблар бажарилишини доимий назоратни амалга ошириш юкланади .

Ёнғин хавфсизлиги бўйича ходимларнинг билимини текшириш ва тайёргарлик ишлари махсус Тартиб билан белгиланади (Қоидаларга 2-илова, 20.10.2020 йилдаги 649-сон ВМҚга илова).  Тартибнинг 2-бобида ёнғинга қарши йўл-йўриқларга мажбурий талаблар белгиланган.

Ёнғинга қарши йўл-йўриқ моҳият ва вақт бўйича қуйидагича бўлади:

• кирувчи ;
• бирламчи ;
• такрорий ;
• режадан ташқари ;
• мақсадли Тартиб .

Кирувчи йўл-йўриқ махсус ажратилган хонада ўтказилиши керак. Мазкур хона зарур кўргазмали қуроллар,

ёнғин хавфсизлиги қоидалари, ёнғиндан ҳимоя қилишнинг техник воситалари намуналари, бирламчи ёнғин ўчириш воситалари ва объектда мавжуд бўлган алоқа воситалари билан таъминланиши керак. Йўл-йўриқ ёнғинга қарши йўриқномаларни рўйхатдан ўтказиш журналида қайд этилади.

Ёнғинга қарши бирламчи, такрорий, режадан ташқари ва мақсадли йўл-йўриқлар ходим меҳнат фаолиятини амалга оширадиган таркибий бўлинмаларда ўтказилади. Уни объект раҳбарининг буйруғи билан тайинланган ёнғин хавфсизлиги учун масъул шахслар ўтказиши керак. Бу ҳақдаги маълумот ёнғин хавфсизлиги қайдномаси журналига ҳам киритилади. Журналда дастурнинг номи ёки ёнғинга қарши йўл-йўриқнинг рақами кўрсатилиши ҳамда уни ўтказган ва ундан ўтганлар томонидан имзоланиши керак.

Эътибор беринг

Ёнғинга қарши йўл-йўриқларни (кириш, бошланғич, такрорий) меҳнатни муҳофаза қилиш бўйича йўриқномалар билан бирлаштиришга рухсат этилади, агар ёнғинга қарши йўл-йўриқга тегишли масалалар меҳнатни муҳофаза қилиш бўйича йўриқнома дастурида тўлиқ ҳажмда назарда тутилган бўлса .

Ёнғинга қарши йўл-йўриқ ёнғин хавфсизлиги бўйича махсус тайёргарликка эга бўлган шахслар (меҳнатни муҳофаза қилиш бўйича мутахассис, ёнғин хавфсизлиги бўйича муҳандис, ташкилот раҳбарининг буйруғига мувофиқ ушбу вазифаларни бажарадиган бошқа шахслар), улар йўқлигида — ташкилот раҳбари томонидан берилади .