Ходим эски лавозимига қайтишни истаса

Ходимга бошқа лавозим таклиф қилинди, у бунга рози бўлди. Орадан бироз вақт ўтгач, аввалги лавозимида ишлашни давом эттирмоқчи эканлигини айтди. Бундай вазиятда иш берувчи қандай йўл тутиши кераклигини "Норма" эксперти Валерия ЛЯНДРЕС тушунтиради:
   

Ходимни бошқа лавозимга ўтказиш амалга оширилган бўлса

 – Агар меҳнат шартномасига келишув аллақачон имзоланган, буйруқ чиқарилган ва ходим янги лавозимда вазифаларни бажаришга киришган бўлса, эскисига қайтиш учун у бошқа ёки аввалги лавозимга ўтиш ҳақида ёзма ариза топшириши керак.
Ходимнинг меҳнат шартларини ўзгартириш ҳақидаги аризаси берилган кундан эътиборан уч кундан кечиктирмай иш берувчи томонидан кўриб чиқилади. У ходимнинг илтимосини қаноатлантириши ёки объектив сабабларга кўра (кўрсатилган лавозим штат жадвалида қисқартирилган ёки унга янги ходим қабул қилинган ва ҳоказо) рад этиши мумкин.
Рад этиш сабаби ҳақида ходимни ёзма равишда хабардор қилинг. Шуни ёдда тутингки, ходим рад этиш сабаблари бўйича бундай ёзма асосга эга бўлмаса ҳам, ҳар қандай ҳолатда ҳам рад этиш устидан судга шикоят қилиши мумкин (МК 90-м.).
Агар ходимни аввалги лавозимга қайтаришнинг иложи бўлмаса, вакансия мавжуд бўлган тақдирда  унга бошқа лавозимни таклиф қилинг.
Ходим иш берувчининг таклифини кўриб чиқиш ва қуйидагича қарор қабул қилишга ҳақли:

• янги (ўтказишдан кейин) лавозимда қолиш;
• бошқа вакансияга ўтказиш тўғрисидаги таклифни қабул қилиш ;
• меҳнат шартномасини ўз хоҳишига кўра бекор қилиш .

Ходимни бошқа лавозимга ўтказиш ҳали амалга оширилмаган бўлса

Агар ходим иш берувчидан уни бошқа лавозимга ўтказиш тўғрисида огоҳлантириш олган бўлса, лекин ҳақиқатда ҳали ўтказилмаган бўлса, у огоҳлантириш даври давомида ўтказишни рад этиши мумкин.
Иш берувчи ходимга бошқа вариантларни кўриб чиқиши ва таклиф қилиши мумкин, шу жумладан уни шу лавозимда қолдиришни ҳам, агар ўтказиш ушбу штат бирлигининг қисқариши билан боғлиқ бўлмаса.
Агар ходимни аввалги лавозимда қолдиришнинг иложи бўлмаса,  у эса янги лавозимни хоҳламаса, ходим билан меҳнат шартномаси у янги меҳнат шартлари асосида ишлашни давом эттиришни рад этганлиги сабабли бекор қилиниши мумкин.  Бунда ходимга ўртача ойлик иш ҳақидан кам бўлмаган миқдорда ишдан бўшатиш нафақаси тўланади .