Касаллик ва туғиш нафақалари тўловларининг баъзи тафсилотлари аниқлаштирилди

Вақтинча меҳнатга лаёқатсизлик, шунингдек ҳомиладорлик ва туғиш бўйича нафақаларни тайинлаш ва тўлашнинг баъзи қоидаларига аниқлик киритилди. Ўзгартиришлар суғурта стажини, суғурта ҳодисаси санасини ва нафақаларни ҳисоблашнинг алоҳида қоидаларини аниқлаштиради ва 2026 йил 13 августдан бошлаб юзага келган суғурта ҳодисаларига нисбатан қўлланилади. Нималар ўзгаргани ҳақида батафсил мақолада ўқинг.

Суғурта ҳодисаси санаси қандай аниқланади

Ходим меҳнатга лаёқатсизлик варақасига мувофиқ ишдан озод қилинган кун – суғурта ҳодисаси юз берган сана деб ҳисобланади.

Асоратли туғруқ ёки икки ва ундан ортиқ бола туғилиши муносабати билан ҳомиладорлик ва туғиш таътилини узайтириш бундан мустасно. Бундай ҳоллар учун алоҳида ҳисоблаш қоидаси амал қилади.

Олти ойлик суғурта стажини нима тўхтатмайди

Ҳомиладорлик ва туғиш нафақасини олиш учун суғурта ҳодисаси содир бўлган ойдан олдинги охирги олти ой давомида узлуксиз суғурта стажи бўлиши керак.

Эндиликда тўғридан-тўғри белгилаб қўйилдики:

• меҳнатга оид муносабатлар сақланиб қолган ҳолда, ходимга иш ҳақи ёки меҳнатга ҳақ тўлаш тарзидаги бошқа даромадлар тўланмаган ойлар;
• вақтинча меҳнатга лаёқатсизлик даври.

 ушбу стажни узмайди.

Айрим ходимлар учун суғурта стажи коэффициенти қандай оширилади

Суғурталанган шахслар учун суғурта стажи коэффициенти 20 фоизга оширилади, яъни:

• I ва II гуруҳ ногиронлиги бўлган;
• 18 ёшгача тўрт ва ундан ортиқ фарзанди борлар;
• 18 ёшгача ногирон фарзанди борлар.

Агар ходим бир вақтнинг ўзида бир нечта шундай тоифага мансуб бўлса, имтиёз улардан фақат биттаси бўйича қўлланилади.

Қайси давр ҳисоб-китоб даври ҳисобланади

Агар ҳисоб-китоб учун 12 ойдан кам давр ҳисобга олинса, гап нафақа тайинланган ойдан олдинги ойлар ҳақида бораётганлиги аниқлаштирилди. Нафақа такроран тайинланганда узлуксиз олти ойлик суғурта стажига эга бўлиш тўғрисидаги талаб қўлланилмайди.

Асоратли туғруқ ёки икки ва ундан ортиқ бола туғилганда нафақани қандай ҳисоблаш керак

Агар ҳомиладорлик ва туғиш таътилини узайтириш учун янги меҳнатга лаёқатсизлик варақаси расмийлаштирилган бўлса, нафақа ҳомиладорлик ва туғиш нафақасини дастлабки ҳисоблашда фойдаланилган кўрсаткичлар бўйича ҳисобланади. Суғурта ҳодисаси санаси ҳам аввалгидек қолади.

Суғурта стажининг бир ойи қандай ҳисобга олинади

Агар ходимнинг ҳисобланган ойлик иш ҳақи тегишли даврда амалда бўлган МҲТЭКМнинг бир бараварига тенг ёки ундан ортиқ бўлса – суғурта стажининг бир тўлиқ ойи ҳисобга олинади.

Агар ҳисобланган иш ҳақи МҲЭКМнинг бир бараваридан кам бўлса, суғурта стажининг ярим ойи ҳисобга олинади.

Kadrovik.uz тавсия қилади

 

• 2026 йилдан бошлаб янги ижтимоий суғурта тизими доирасида ҳомиладорлик ва касаллик нафақалари қандай тўланади
• Ҳомиладорлик ва туғиш бўйича таътил қандай расмийлаштирилади
• Вақтинча меҳнатга лаёқатсизлик нафақаси қачон ва қандай тўланади