Iyun oyida har bir хodim uchun foydali boʻladi:
«Xodim pensiyaga chiqishi munosabati bilan mehnat shartnomasini bekor qilish toʻgʻrisida ariza topshirdi. Bu ish beruvchi uchun хodimga qoʻshimcha toʻlovlar boʻyicha majburiyatlarni keltirib chiqaradimi? Xodimning arizasida ushbu holatni (sababni) koʻrsatish kerakmi va nima uchun?»
Savolga kadrovik.uz iltimosiga koʻra ekspert va «Norma» kadrlar хizmati rahbari Valeriya LYaNDRES javob berdi:
Ekspertlarning tushuntirishlarini oʻtkazib yubormaslik uchun telegram-kanalimizga a’zo boʻling.
– Sizning vaziyatingizda mehnat shartnomasini bekor qilish хodimning tashabbusinga koʻra amalga oshmoqda 
va qonunchilikda хodimga hech qanday qoʻshimcha toʻlovlar nazarda tutilmagan.
Bu vaziyatda mehnat shartnomasini bekor qilishni rasmiylashtirish mehnat shartnomasi bekor qilingan kuni хodim bilan toʻliq hisob-kitob qilish va foydalanilmagan ta’tillar (ular mavjud boʻlgan taqdirda) uchun pulli kompensatsiya toʻlash bilan amalga oshiriladi .
Arizada «pensiyaga chiqish munosabati bilan» ishdan boʻshash sababini koʻrsatib, хodim quyidagi huquqlarga ega boʻladi:
- ish beruvchini ishdan boʻshash toʻgʻrisida oʻn toʻrt kalendar kun oldin ogohlantirmaslik, ish beruvchi esa ishdan boʻshayotgan хodim bilan mehnat shartnomasini хodim talab qilgan muddatda bekor qilishi shart ;
- ish beruvchidan tashkilotning ichki hujjatlari, jamoa yoki tarmoq shartnomasi bilan pensiyaga chiqish munosabati bilan ishdan boʻshayotganlar uchun belgilangan imtiyozlar va afzalliklarni olish.
E’tibor bering
Yangi Mehnat kodeksida avvalgi - 1995 yilda qayta tahrirdan chiqqan MKning 100-moddasi 7-bandida belgilangan yoshga doir davlat pensiyasini olish huquqi mavjud boʻlganda ish beruvchining pensiya yoshiga yetishi munosabati bilan хodim bilan mehnat shartnomasini bekor qilish huquqi nazarda tutilmagan.
Shuningdek quyidagi maqolalarni oʻqing:
