Mahalliylashtirish dasturiga kiritilgan YaSTni toʻlash boʻyicha imtiyozga ega boʻlgan korхonalar tomonidan boʻsh pul mablagʻlari tijorat bank depozitlariga joylashtirilib, ular foizli daromad tarzidagi boshqa daromadlarga ega boʻlishganda, Soliq kodeksining 156-moddasiga muvofiq, dividendlar va foizlarga toʻlov manbaida soliq solinadimi?

Savolning ID si: 10035

YaST toʻlovchisi MChJ boʻsh pul mablagʻlarini tijorat bank depozitlariga joylashtirish orqali foizli daromad oladi. Soliq kodeksining 156-moddasiga muvofiq, dividendlar va foizlarga toʻlov manbaida soliq solinadi. Jumladan, tijorat banklari tomonidan jamiyatimiz depozitlariga hisoblangan foizli daromadlardan toʻlov manbaida 10% stavkada soliq ushlanib, qolgan summa bizga oʻtkazib beriladi. Soliq kodeksining 132-moddasiga muvofiq, dividendlar va foizlar boshqa daromadlar tarkibiga kiritiladi va ushbu kodeksining 355-moddasiga muvofiq YaST boʻyicha soliq solish ob’yekti yalpi tushum boʻlib, boshqa daromadlar yalpi tushum tarkibiga kiritiladi. Soliq kodeksining 353-moddasiga muvofiq YaST toʻlovchilarning boshqa daromadlariga asosiy (soha) faoliyat turi uchun belgilangan stavkada YaST solinadi. Prezidentning 21.12.2016 yildagi PQ-2687-sonli Qapopiga asosan tegishli korхonalarga 2020 yiling 1 yanvariga qadar YaSTdan ozod etilishi tarzida imtiyoz berilgan. Bizning MChJ esa aynan qayd etilgan imtiyoz tadbiq etiladigan tegishli korхonalarning muassisi hisoblanadi.

Ekspertlarning javoblari:

24.01.2018 yil sanasidagi javob

Prezidentning 21.12.2016 yildagi PQ-2687-sonli Qapopiga asosan nooziq-ovqat iste’mol tovarlari ishlab chiqarishga iхtisoslashayotgan mikrofirmalar va kichik korхonalar 2020 yiling 1 yanvariga qadar yagona soliq toʻlovini toʻlashdan ozod etilgan.

Dividendlar va foizlar tarzidagi daromadlar esa toʻlov manbaida 10 foiz soliq stavkada daromad soligʻiga tortiladi (Prezidentning PQ-3454-sonli qarori 3-bandi).

Tegishli davr uchun YaST hisoblanishida toʻlov manbaida soliqqa tortiladigan dividentlar va foizlar soliq solinadigan bazadan chegirib tashlanadi (SKning 356-moddasi 1-qismi 2-bandi). Bu degani, dividendlar va foizlar tarzidagi daromadlar YaSTga tortilmaydi.

Prezidentning 21.12.2016 yildagi PQ-2687-sonli Qapopi bilan dividendlar va foizlar tarzidagi daromadlar soliqlardan ozod etilmagan.

Demak, YaST boʻyicha imtiyozga ega boʻlgan korхonaning foizlar tarzidagi daromadlari Soliq kodeksining 156-moddasiga muvofiq toʻlov manbaida soliqqa tortilishi lozim.

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi