Jismoniy shaхslarning betob boʻlgan vaqti uchun kasallik varaqasi boʻyicha toʻlanadigan nafaqa jismoniy shaхslarning boshqa daromadlariga kiradi (SKning 178-moddasi, 1-bandi) va YaIT ga tortilmaydi, shuningdek, undan byudjetdan tashqari pensiya jamgʻarmasiga sugʻurta badallari ushlab qolinmaydi (SKning 306-moddasi).

Demak, YaIT hamda PJga sugʻurta badali mazkur holda 600 000 soʻmdan hisoblanadi:

Sugʻurta badali – 48 000 soʻm (600 000 х 8%);

YaIT – 90 000 soʻm. YaITning minimal miqdori bilan solishtiriladi (MV, IV DSQning AVda 2011 yil 3 martda 2203-son bilan roʻyхatga olingan qaroriga ilova).

YaIT va PJga sugʻurta badali boʻyicha soliq hisob-kitobi OʻzR Moliya vazirligi va Davlat soliq qoʻmitasi tomonidan tasdiqlangan shaklda taqdim etiladi (Adliya vazirligida 2013 yil 22 martda 2439-son bilan roʻyхatga qarorga 10-ilova). Bunda, yuqorida aytib oʻtilganidek, kasallik varaqasi boʻyicha nafaqadan ushbu ajratmalar toʻlanmaganligi uchun, ular hisobot shaklida ham daromad sifatida aks ettirilmaydi.

Eslatib oʻtamiz, YaIT va sugʻurta badallarining hisob-kitobi ortib boruvchi yakun bilan har oyda hisobot davridan keyingi oyning 25-kunidan kechiktirmay, yil yakunlari boʻyicha esa yillik moliyaviy hisobot topshiriladigan muddatda taqdim etiladi (SKning 310-moddasi).