Soliqning biror-bir turi (shu jumladan boshqa majburiy toʻlovlar) boʻyicha хato topshirilgan soliq hisobotini qayta topshirish natijasida yoki boshqa sabab bilan ortiqcha toʻlangan summa yuzaga keladigan boʻlsa, bu ortiqcha toʻlangan soliq summasi SKning 57-moddasiga asosan soliq toʻlovchining yozma arizasiga binoan qaytarib beriladi. Lekin bunda avval SKning 56-moddasida koʻrsatilgan amallar bajariladi. Ya’ni, avval shu soliq turi boʻyicha jarima va penya summalari soʻndiriladi (agar ular boʻlsa). Keyin esa, soliq toʻlovchining boshqa soliq yoki majburiy toʻlovlar turi boʻyicha qarzdorligi boʻlsa, ortiqcha toʻlangan summa soliq toʻlovchining yozma arizasiga binoan ularni qoplash uchun yoʻnaltirilishi kerak. Byudjetga ortiqcha toʻlangan summani qaytib olish yoki boshqa soliqlar boʻyicha qarzdorlikni soʻndirishga yoʻnaltirish uchun arizani soliq toʻlovchining shaхsiy kabineti orqali joʻnatish ham mumkin.
SKning 56-57 moddalari bilan batafsil tanishib chiqishni tavsiya qilamiz.
Javoblar ular e’lon qilingan sanada dolzarb hisoblanadi.