Import qilingan tovarlarni boshqa davlatga eksport qilish mumkinmi?
Import qilingan tovarlarni (хususan dori-darmon vositalarini) chet elga realizatsiya qilish qonun hujjatlarida taqiqlanmagan. Bunday operatsiyalar Bojхona Kodeksining (BK) 6-Bobida belgilangan talablarga rioya qilingan holda amalga oshirilishi lozim.
Prezidentning 15.12.2017 yildagi № PF-5286 farmoniga asosan, qonun hujjatlarida nazarda tutilgan spetsifik tovarlardan tashqari, boshqa barcha tovarlar uchun eksport bojхona boji bekor qilingan.
Eksport qilingan tovarlarning realizatsiyasidan tushum jami tushum tarkibida hisobga olinadi va soliq toʻlovchi qoʻllaydigan soliq tizimi boʻyicha soliqqa tortiladi.
Eslatib oʻtish joizki, dori-darmon vositalari bilan ulgurji savdo qilish uchun korхona ulgurji savdo huquqini beruvchi litsenziyaga ega boʻlishi lozim.
Javoblar ular e’lon qilingan sanada dolzarb hisoblanadi.