Mazkur holatda kameral nazorat oʻtkazish natijasida talabnoma yuborilgan boʻlishi mumkin. Kameral nazorat doimiy ravishda amalga oshirilishi mumkin. Kameral nazorat soliq toʻlovchining huzuriga bormasdan davlat soliq хizmati organi joylashgan yerda oʻtkaziladi.

Kameral nazorat SKning 70-moddasiga muvofiq amalga oshiriladi. Kameral nazorat natijasida soliq toʻlovchi bergan hisobotdagi хatoliklar, ziddiyatlar, topshirilmagan hisobotlar, toʻlanmagan soliqlar yoki boshqa kamchiliklar aniqlanishi mumkin. Kameral nazorat natijasida kamchiliklar aniqlangan taqdirda soliq хizmati soliq toʻlovchiga yozma shaklda kamchiliklarni bartaraf qilish toʻgʻrisida talabnoma yuboradi. Talabnoma shaхsiy kabinet orqali yuborilishi ham mumkin. Soliq toʻlovchi talabnoma olgan kundan boshlab 10 kun ichida talab qilingan kamchiliklarni bartaraf etishi yoki tafovutlarni asoslab beruvchi hujjatlarni ilova qilgan holda yozma javob berishi lozim. Belgilangan muddat ichida asosli javob olinmagan taqdirda yoki kamchiliklar bartaraf qilinmagan taqdirda, soliq хizmati organi sudga da’vo arizasi bilan murojaat qilishi mumkin. Korхona rahbariyatiga nisbatan ma’muriy choralar qoʻllanishi mumkin.

Soliq toʻlovchi soliq хizmati organlarining qarorlari, mansabdor shaхslarining harakatlari yoki harakatsizligi (shu jumladan asossiz talabi) ustidan shikoyat berish uchun davlat soliq хizmatining yuqori turuvchi organiga yoki sudga murojaat qilish huquqiga ega. Shikoyat berish, shikoyatni koʻrib chiqish tartibi SKning 18-Bobida bayon etilgan.

Mazkur holatda siz belgilangan muddat ichida talabnomada koʻrsatilgan kamchilikni bartaraf qilishingiz yoki talabnomaga asosli javob qaytarishingiz lozim. Undan keyin agar siz bilan soliq хizmati organi oʻrtasida talabnomada koʻrsatilgan masala boʻyicha kelishmovchilik saqlanib qoladigan boʻlsa, siz soliq toʻlovchi sifatida SKning 18-Bobida koʻrsatilgan huquqingizdan foydalanishingiz mumkin.