Hisoblangan va amalda toʻlangan daromadlar summalari hamda jismoniy shaхslardan olinadigan daromad soligʻining ushlab qolingan summalari toʻgʻrisidagi Ma’lumotlar shaklida: 001 sartda korхona boʻyicha jami daromad tarkibiga 3 600 000 soʻm kiradi, 010 satrda – hisoblangan daromad – 3 600 000 soʻm; 015 satrda – ushlab qolingan soliq – 270 000 soʻm (oʻsib boruvchi yakun bilan).
Yil choragi uchun toʻlangan daromadlar va oʻtkazilgan jismoniy shaхslardan olinadigan daromad soligʻi hamda ShJBPHga badallar summasining Rasshifrovkasida (1-ilova) ijarachiga toʻlanadigan (toʻlangan) daromad va ushlab qolingan soliq summalari (korхona boʻyicha jami summa tarkibida yoki alohida) koʻrsatiladi: 1 110 000 soʻm hisoblab yozilgan sana bilan – 2 va 3-ustunlarda, toʻlangan sana bilan esa – 6 va 7-ustunlarda; ushlab qolingan soliq summasi – 90 000 soʻm – 4-ustunda. Ijara haqi hisoblab yozilgan va toʻlangan sanalar korхona boʻyicha ish haqi hisoblab yozilgan va toʻlangan sanalar bilan mos kelmasa, ular alohida satrda koʻrsatiladi.
Yil uchun jismoniy shaхslarga hisoblangan daromadlar rasshifrovkasida (3-ilova): 03 va 031 satrlarida ijara uchun daromad oladigan jismoniy shaхslar soni va jismoniy shaхsga toʻlanadigan (1 110 000 soʻm) ijara pulining yillik summasi aks ettililadi. Mazkun ilova yil yakuni boʻyicha toʻldiriladi va topshiriladi.
Yuqorida JShDS hisoboti shakllarining savolga tegishli eng muhim joylari aks ettirilgan. JShDS boʻyicha hisobot shakllarini toʻldirishda jismoniy shaхslarga mulk ijarasi uchun toʻlangan daromadlar boʻyicha kiritiladigan ma’lumotlarni aks ettirish ish haqi boʻyicha ma’lumotlarni aks ettirishdan deyarlik farq qilmaydi, chunki ular jismoniy shaхslarga toʻlangan jami daromadlar tarkibiga kiradi. Ular korхonada ish haqi boʻyicha jami daromadlar tarkibiga kiritilib aks ettiriladi, ayrim joylarda ular alohida koʻrsatilishi lozim. Shaklni toʻldirishdan avval undagi barcha yozuvlarni oʻqib chiqish, satr ichida koʻrsatilgan formulalarga va izohlarga e’tibor berish kerak.
Javoblar ular e’lon qilingan sanada dolzarb hisoblanadi.