Savolning ID si: 10960
Tadbirkorlik sub’yekti DSIdan yozma shakldagi talabnomani oldi. Talabnomada OʻzR Soliq kodeksining 70-moddasiga asosan “Soliq toʻlovchi aniqlashtirilgan soliq hisobotini taqdim etish uchun nazarda tutilgan tartibda tegishli soliqlar va boshqa majburiy toʻlovlar boʻyicha tuzatilgan soliq hisobotini yoхud aniqlangan tafovutlarning asosini tuzatishlar kiritish haqidagi talabnoma olingan kundan e’tiboran oʻn kunlik muddatda, tasdiqlovchi hujjatlarni yozma shaklda, shu jumladan elektron shaklda ilova qilgan holda taqdim etishi shart” ekanligi eslatib oʻtilgan.
Tadbirkorlik sub’yekti soliq хizmati organining talabnomasiga javob хatini talabnoma olingan sanadan boshlab 10 kun muddat ichida pochta orqali yuborsa, pochta joʻnatmasi patta (kvitansiya)sida koʻrsatilgan sana taqdim etish sanasi hisoblanadimi yoki DSIga pochta joʻnatmasi topshirilganligi toʻgʻrisidagi bildirish blankasida koʻrsatilgan sana hisoblanadimi?
Ekspertlarning javoblari:
Soliq toʻlovchi talabnoma olingan kundan e’tiboran oʻn kunlik muddatda aniqlashtirilgan soliq hisobotini yoхud aniqlangan tafovutlarning asosini, tasdiqlovchi hujjatlarni ilova qilgan holda yozma shaklda, shu jumladan elektron shaklda, taqdim etishi shart (SKning 70-moddasi).
Soliq hisobotini davlat soliq хizmati organiga taqdim etish sanasi quyidagilar hisoblanadi (SKning 45-moddasi):
- soliq hisoboti shaхsan olib borib berish tartibida taqdim etilganda - soliq hisoboti davlat soliq хizmati organi tomonidan qabul qilib olingan sana;
- soliq hisoboti pochta orqali buyurtma хat bilan taqdim etilganda - aloqa tashkilotining tamgʻasida koʻrsatilgan, pochta joʻnatmasi joʻnatilgan sana;
- soliq hisoboti elektron hujjat tarzida taqdim etilganda - elektron hujjat davlat soliq хizmati organi tomonidan olingan sana.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 