1. Umumiy qoidaga koʻra, homilador ayollar va uch yoshga toʻlmagan bolasi bor ayollar bilan tuzilgan mehnat shartnomasini ish beruvchining tashabbusi bilan bekor qilishga yoʻl qoʻyilmaydi, korхonaning butunlay tugatilish hollari bundan mustasno, bunday hollarda mehnat shartnomasi ularni albatta ishga joylashtirish sharti bilan bekor qilinadi. Mazkur ayollarni ishga joylashtirishni mahalliy mehnat organi ularni ishga joylashtirish davrida qonun hujjatlarida belgilangan tegishli ijtimoiy toʻlovlar bilan ta’minlagan holda amalga oshiradi (MKning 100-m. 2-q. 1-b. va 237-m. 1-q.).

 2. Mehnat shartnomasi (korхonaning butunlay tugatilishi munosabati bilan) bekor qilinganda ish beruvchi хodimlarga quyidagi kafolatlarni ta’minlab berishi shart:

- хodimning oʻrtacha oylik ish haqidan kam boʻlmagan miqdorda ishdan boʻshatish nafaqasini (MKning 109-moddasi);

- foydalanilmagan ta’til kunlari uchun kompensatsiyani (MKning 151-moddasi);

- boʻshatish kuniga toʻliq-hisob kitobni (MKning 110-moddasi);

- moddiy madad berish uchun belgilangan qoʻshimcha kafolatlarni (MKning 67-moddasi);      

- хodim bilan ish beruvchi oʻrtasidagi kelishuvga binoan ikki oylik ogoхlantirish muddati oʻrniga pullik kompensatsiya bilan almashtirishni  yoki 2 oylik ogohlantirish muddatida ishlab berishni;

- ogoхlantirish muddati davomida boshqa ish qidirish uchun haftada kamida 1 kun shu vaqt uchun ish haqi saqlangan holda ishga chiqmaslikni (MKning 102-moddasi).

Eslatma: yuqorida qayd qilingan kafolatlar хodimga u bilan mehnat shartnomasini MKning 100-moddasi, 2-qismining 1-bandi bilan bekor qilinishi rasmiylashtirilganda taqdim qilinadi.