Yagona ijtimoiy toʻlovi (YaIT) Adliya vazirligida 2010 yil 13 aprelda 2095-son bilan roʻyхatga olingan Nizomga asosan hisoblab chiqariladi va toʻlanadi. Nizomga muvofiq, YaIT summasi uning minimal miqdori hisobga olingan holda aniqlanadi. Nizomning kirish qismida u (Nizom) kimlarga nisbatan tadbiq etilmasligi bayon etilgan.

Nizom, jumladan, yangi tashkil etilgan kichik tadbirkorlik sub’yektlariga, davlat roʻyхatidan oʻtgan sanadan boshlab olti oy davomida tadbiq etilmaydi. Ya’ni, yangi tashkil etilgan kichik tadbirkorlik sub’yektlarining barchasi (faoliyat turidan qat’iy nazar) davlat roʻyхatidan oʻtgan sanadan boshlab olti oy davomida YaITni, uning minimal miqdorini qoʻllamagan holda, belgilangan stavkalar boʻyicha toʻlaydilar. Ulgurji-chakana savdo bilan shugʻullanuvchi kichik tabdirkorlik korхonalari ham ushbu imtiyozdan foydalanish huquqiga egalar.