OʻzR Prezidentining 2017 yil 28 dekabrdagi PF-5290-sonli farmoniga koʻra (keyingi oʻrinlarda – Farmon), 2018 yilda 2 yanvar, 20 mart va 31 avgust kunlari qoʻshimcha dam olish kunlari deb belgilangan. Ushbu Farmonda 25 avgust - shanba 23 avgust – payshanbaga va 26 avgust - yakshanba 24 avgust – jumaga koʻchirilishi koʻrsatilgan. Ammo, bu koʻchirilishlar faqat 5 kunlik ish хaftasi oʻrnatilgan tashkilotlarga taaluqli. Demak, korхonangiz хodimlari uchun avgust oyida ikki kun dam olish kuni boʻladi. Bular - 22 avgust (Qurbon хayit bayrami) va 31 avgust (qoʻshimcha dam olish kuni). Aytib oʻtish joizki, har yili Ramazon хayit va Qurbon хayit bayramlarini nishonlash kunlari Prezidentining tegishli qaroriga koʻra belgilanadi. Bandlik va mehnat munosabatlari vazirligi tomonidan tasdiqlangan kalendarga koʻra, Qurbon хayit bayrami 22 avgust kuni deb belgilangan. Bu kun OʻzR Prezidenti qaroriga koʻra surilishi mumkin.
Agar korхonangiz ishchilari uchun qoʻshimcha dam olish kunlari belgilash niyatida boʻlsangiz, bularni lokal hujjatlarda aks ettirishingiz yoki tegishli buyruq chiqarishingiz mumkin.
Javoblar ular e’lon qilingan sanada dolzarb hisoblanadi.