Akvarium baliqlari, dekorativ qushlar va boshqa hayvonlarni koʻpaytirish va sotish YaTT shugʻullanishi mumkin boʻlgan faoliyat turlari roʻyхatiga kiritilgan (VMning 07.01.2011 yildagi 6-son qaroriga 1-ilova).

Ushbu tadbirkorlik faoliyati turlari bilan shugʻullanuvchi YaTT minimal ish haqiga karrali miqdorda soliq toʻlaydi, soliq stavkalari har yil Prezidentning qarori bilan tasdiqlanadi. 2018 yil uchun soliq stavkasi Prezidentining 29.12.2017 yildagi PQ-3454-son qaroriga 11-ilovada koʻrsatilgan. Soliq summasi Oʻzbekiston Respublikasida yil boshida amal qilgan minimal ish haqi miqdoridan kelib chiqqan holda hisoblanadi.

Masalan, Toshkent shahri uchun stavka 2 ga teng, minimal ish haqi yil boshida 172240 soʻmni tashkil qilgan, oylik soliq summasi 344 480 soʻmga teng boʻladi (2 х 172240 = 344480). Undan tashqari YaTT oyiga eng kam ish haqidan kam boʻlmagan miqdorda pensiya fondiga sugʻurta badalini toʻlaydi (SKning 311-moddasi).