Xaydovchilar, ya’ni хodimlar, ularga belgilangan kundalik ish (smena) muddatidan tashqari ishlasalar, bunday ish «ish vaqtidan tashqari ish» deb hisoblanadi.

Eslatib oʻtish kerakki, ish vaqtidan tashqari ishlar faqat хodimning roziligi bilan qoʻllanishi mumkin.

Agarda, хodimning ish smenasining muddati 12 (oʻn ikki) soatdan iborat boʻlsa ish vaqtidan tashqari ishlarga yoʻl qoʻyilmaydi (MKning 124-m.).

Ish vaqtidan tashqari, dam olish kunlari/bayram kunlaridagi bajarilgan ishlar, hamda tungi vaqtdagi ishlar uchun kompensatsiya va haq toʻlash tartibi va miqdori Mehnat Kodeksining 157-158 moddalarida belgilangan, shu jumladan:

-    ish vaqtidan tashqari ishlar, dam olish kunlari va bayram kunlaridagi ishlar uchun kamida 2 (ikki) hissa miqdorida haq toʻlanadi. Toʻlanadigan haqning aniq miqdori jamoa shartnomasida, agar u tuzilmagan boʻlsa, — ish beruvchi tomonidan kasaba uyushmasi qoʻmitasi yoki хodimlarning boshqa vakillik organi bilan kelishib belgilanadi;

-    bayram yoki dam olish kunidagi ish yoхud ish vaqtidan tashqari bajarilgan ish uchun boshqa dam olish kuni berilgan taqdirda, bunday ishlar uchun kamida bir hissa miqdorda mehnat haqi toʻlanadi;

- tungi vaqtdagi ishning har bir soati uchun kamida 1,5 (bir yarim) baravar miqdorda haq toʻlanadi. Toʻlanadigan haqning aniq miqdori jamoa shartnomasida, agar u tuzilmagan boʻlsa, — ish beruvchi tomonidan kasaba uyushmasi qoʻmitasi yoki хodimlarning boshqa vakillik organi bilan kelishib belgilanadi.