Hozirgi vaqtda faqat mehnat shartnomasi boʻyicha ishlovchi barcha хodimlarga taalluqli boʻlgan ish haqining eng kam miqdori, shuningdek, byudjet hisobidan moliyaviy ta’minlanadigan muassasa va tashkilotlarning hamda davlat korhonalarining hodimlari mehnatiga haq toʻlashning eng kam darajasini qonun hujjatlari  bilan belgilanadi (MKning 153-m. 3-q.). Boshqa barcha korхonalarda mehnat haqi shakli va tizimlari, mukofotlar, qoʻshimcha toʻlovlar, ustamalar, ragʻbatlantirish tarzidagi toʻlovlar jamoa shartnomalarida, shuningdek, ish beruvchi tomoindan хodimlarning vakillik organi bilan kelishib qabul qilinadigan boshqa lokal hujjatlarda belgilanadi (MKning 153-m. 2-q.). Shu bois korхonada belgilangan tarif stavkalari (okladlar) va boshqa pul toʻlovlarining miqdoriga qiziqqan хodimlar ularni korхonada amalda boʻlgan tegishli lokal hujjatlardan bilib olishlari mumkin. Ularda belgilangan miqdor doirasida konkret mehnat haqi ish beruvchi va хodim oʻrtasidagi kelishuv boʻyicha mehnat shartnomasida belgilanadi.

MKning 180-moddasi 4-qismida ish haqi, mukofotlar, qoʻshimcha toʻlovlar, ustamalar va mehnat haqi tizimida nazarda tutilgan boshqa toʻlovlar ragʻbatlantirish turlariga kirmasligi ta’kidlangan.

Shu bilan birgalikda, intizomiy jazo amal qilib turgan muddat mobaynida (MKning 183-m.) хodimga nisbatan ragʻbatlantirish choralari qoʻllanilmaydi. 

Ushbu toʻlovlarni ajratib olishingiz uchun korхonangizning lokal hujjatlarini yana bir bor oʻrganib chiqishingiz maqsadga muvofiqdir.