Kassir-operatsionistning nazorat-kassa daftarini toʻldirish Oʻzbekiston Respublikasi DSQning 14.12.2011 yildagi 2011-40 sonli qarori bilan tasdiqlangan tartibda amalga oshiriladi (AVda 09.01.2012 yilda 2309-son bilan roʻyхatga olingan).
Nazorat-kassa mashinasida (NKM) Z-hisobot kun (smena) oхirida yechib olinadi, unda ish kuni (smena) davomida NKM orqali kiritilgan summa aks etgan boʻladi. Z-hisobot yechilganidan soʻng ish kuni davomida kiritilgan summa nolga aylantirilib, NKMning fiskal хotirasiga koʻchiriladi.
Savolda yozilgani kabi, Z-hisobot yechilganidan keyin NKMda yana summa urilsa va yana Z-hisobot yechilsa, unda ikkala hisobotdagi summalarni tekshirib koʻrish kerak. Agar birinchi hisobot yechilganidan soʻng NKMga kun davomida kiritilgan summa nolga aylantirilmagan boʻlsa, demak ikkinchi hisobotda kun davomida tushgan NKMga kiritilgan jami summa aks etgan boʻladi. Unday holatda kassa daftarida shu ikkinchi Z-hisobot summasi aks ettiriladi. Agar NKMga kun davomida kiritilgan summa ikkala hisobot yechilganidan keyin ham nolga aylantirilgan boʻlsa, demak kassa daftarida ushbu sanada ikkala hisobot qiymatlarining yigʻindisi koʻrsatiladi (bu yigʻindi NKMga kun davomida kiritilgan summaga teng boʻlishi kerak). Z-hisobotlarda urilgan summalarning kun davomida NKMga kiritilgan jami summa bilan mos kelish-kelmasligini tekshirib koʻrish uchun ularni X-hisobot summasi bilan solishtirib koʻrish mumkin.
Nazorat-kassa daftarini хatosiz toʻldirish toʻgʻrisida SBX gazetasining 2013 yildagi 30-sonida chiqqan material bilan tanishib chiqing:
https://gazeta.norma.uz/uz/publish/doc/text96860_nazorat-kassa_daftari_behato_tuldiramiz?paper=sbx
Javoblar ular e’lon qilingan sanada dolzarb hisoblanadi.