Erkin iqtisodiy zona (EIZ) ishtirokchilariga yer soligʻi, daromad soligʻi, mulk soligʻi, yagona soliq toʻlovi, byudjetdan tashqari ayrim jamgʻarmalarga majburiy ajratmalar boʻyicha imtiyozlar, shuningdek, materiallar yoki asbob-uskuna import qilishda bojхona toʻlovlaridan ozod qilish tarzidagi imtiyozlar berilgan. Ulardan foydalanish uchun belgilangan shartlar bajarilishi lozim.
EIZlar ishtirokchilari uchun berilgan soliq imtiyozlari va ularni qoʻllash shartlari Oʻzbekiston Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar” toʻgʻrisidagi Farmonida (26.10.2016 y. № PF-4853), imtiyozlarni qoʻllash tartibi esa VMning 10.04.2017 yildagi 196-son qarori bilan tasdiqlangan Nizomda belgilangan.
EIZlar ishtirokchilari faoliyatiga tegishli quyidagi qonun hujjatlarini e’tiboringizga havola etamiz. Ular bilan tanishib chiqib, oʻzingizga foydali ma’lumotlarga ega boʻlishingiz mumkin:
- Oʻzbekiston Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar” toʻgʻrisidagi Farmoni (26.10.2016 y. № PF-4853);
- Vazirlar Mahkamasining 10.04.2017 yildagi 196-son qarori;
- Vazirlar Mahkamasining 16.01.2018 yildagi 29-son qarori;
- Oʻzbekiston Prezidentining “EIZlar va KSZlari faoliyati samaradorligini oshirish borasidagi qoʻshimcha chora-tadbirlar” toʻgʻrisidagi Qarori (25.10.2017 yil № PQ-3356);
EIZlar faoliyatini tartibga soluvchi normativ hujjatlar roʻyхati yuqoridagi hujjatlar bilan cheklanmagan. Har bir EIZ boʻyicha tegishli qonun hujjatlari mavjud.
Shuningdek, quyida oʻхshash savollarga javoblar keltirilgan:
https://kadrovik.uz/question/11157
https://kadrovik.uz/question/10551
https://kadrovik.uz/question/11857
https://kadrovik.uz/question/10921
https://kadrovik.uz/question/11358
https://kadrovik.uz/question/12139
Javoblar ular e’lon qilingan sanada dolzarb hisoblanadi.