YaIT 2018 yilga stavkalari
Savolning ID si: 12430
Tashkilotimiz (“Oʻzagrokimyohimoya” AJ tarkibidagi) ulgurji savdo (mineral oʻgʻit va kimyoviy vosita sotish) faoliyati bilan shugʻullanadi. Oʻzbekiston Respublikasi Prezidentining 2018 yil 29 iyundagi PQ-5468 qarorida 2019 yil 1 yanvardan boshlab yagona ijtimoiy toʻlov 12% stavkada hisoblanishi belgilangan. Xodimlarimiz soni 650 kishini, yillik tovar aylanmamiz 170-200 mlrd.soʻmni tashkil etadi.
Tashkilotimiz yagona ijtimoiy toʻlovni qaysi stavkada hisobga olishi toʻgʻrisida tushuntirish berishingizni soʻraymiz?
Ekspertlarning javoblari:
Oʻzbekiston Prezidenti 29.06.2018 yilda “Oʻzbekiston Respublikasining soliq siyosatini takomillashtirish konsepsiyasi” toʻgʻrisda PF-5468 sonli Farmonni imzoladi. Mazkur Farmonda yagona ijtimoiy toʻlov stavkalarini quyidagicha belgilash nazarda tutilgan:
- byudjet tashkilotlari va davlat korхonalari, ustav kapitalida davlat ulushi 50% va undan koʻproq boʻlgan yuridik shaхslar, shuningdek, boshqa yuridik shaхsning ustav kapitalining 50%i va undan koʻproq qismi tegishli boʻlgan ustav kapitalida davlat ulushi 50% va undan koʻproq boʻlgan yuridik shaхslar hamda ularning tarkibiy tuzilmalari uchun 25% miqdorida;
- qolgan yuridik shaхslar uchun 15%dan 12%gacha pasaytirilgan stavkada belgilash.
Siz korхonangiz ustav kapitalida davlat ulushi borligini, qanchani tashkil qilishini, ta’sischilaringiz tarkibi va ularning ustav kapitallari tarkibini tekshirib chiqishingiz lozim.
Farmonda nazarda tutilgan oʻzgarishlar soliqqa oid qonun hujjatlarida oʻz aksini topishi lozim. Yangi qonun hujjatlari e’lon qilinganida barcha soliqlar hamda majburiy toʻlovlar boʻyicha soliq toʻlash tartibi va soliq stavkalari aniqlashadi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 