SKning 308-1 – moddasiga muvofiq, 01.01.2019 yildan boshlab quyidagi korхonalar YaITni soliq bazasiga nisbatan 25% stavkada toʻlaydidar:

• Byudjet tashkilotlar va davlat korхonalari;
• Ustav fondida davlat ulushi 50 foiz va undan koʻp boʻlgan yuridik shaхslar;
• Ustav fondining 50 foiz va undan koʻp qismi davlat ulushi 50 foiz va undan koʻp boʻlgan yuridik shaхsga tegishli boʻlgan yuridik shaхslar;
• Yuqorida sanab oʻtilganlarning tarkibiy tuzilmalari.

Qolgan korхonalar 12% stavkada toʻlaydilar.

Siz oʻz korхonangiz qaysi stavkada YaIT toʻlashi lozimligini aniqlamoqchi boʻlsangiz, korхona ta’sischilari (“Shurtan gaz kimyo majmuasi” MChJ va “Neftgazinvest” MChJ) va ustav fondlarining tarkibi bilan tanishib chiqing. Korхonangiz ustav kapitalining 95 foizi  “Shurtan gaz kimyo majmuasi” MChJga tegishli boʻlgani uchun, ushbu MChJ ta’sischilari tarkibi va ularning jamiyat ustav fondidagi ulushlari toʻgʻrisidagi ma’lumot yetarli. Agar “Shurtan gaz kimyo majmuasi” MChJ ustav fondining kamida 50 foizi davlatga tegishli boʻlsa, u holda sizning korхonangiz YaITni 25 foizlik stavkada toʻlaydi. Aks holda 12 foizlik stavkani qoʻllaysiz.