Ha, dividend soligʻi toʻlanishi kerak. Har bir yuridik shaхs oʻz ta’sischilariga dividend toʻlaganida, dividend summasidan soliq summasini ushlab qolib, byudjetga oʻtkazishi shart.

Jamiyat tomonidan toʻlanadigan dividendlar – bu jamiyatning aksiyadorlari yoki ta’sischilari oʻrtasida taqsilanadigan sof foydadir. Soliq solish maqsadida “dividendlar” tushunchasining ta’rifi SKning 22-moddasida keltirilgan.

Jamiyat ta’sischisi boʻlgan yuridik shaхslar jamiyatga kiritgan ulushlarini oʻz buхgalteriyasida “Uzoq muddatli investitsiyalar” sifatida hisobga oladilar. Jamiyat tomonidan yuridik shaхsga toʻlangan dividenlar ushbu yuridik shaхsning hisobraqamiga soliq summasi ushlab qolingan tarzad kelib tushadi. Kelib tushgan dividendlar ularni olgan yuridik shaхsning molyaviy natijalarida moliyaviy faoliyatdan daromadlar sifatida aks ettiriladi va uning sof foydasi shakllanishida ishtirok etadi (3-son BHMS, AVda 27.08.1998 yil №484; VMning 1999 yil 5 fevraldagi 54-sonli qarori bilan tasdiqlangan Nizom). Oʻz navbatida, uning sof foydasi oʻz ta’sischilari oʻrtasida taqsimlanganidan keyin, dividendlarni toʻlash paytida dividend summasidan daromad soligʻi ushlab qolinishi shart (SKning 156-moddasi, 165-moddasi).