Soliq solishning soddalashtirilgan tartibini qoʻllovchi korхonalar, shu jumladan yagona soliq toʻlovi toʻlovchilari, qurilishi moliyalashtirishning markazlashtirilgan manbalarini jalb etgan holda amalga oshirilayotgan ob’yektlar boʻyicha qoʻshilgan qiymat soligʻi (QQS) toʻlaydilar. Demak, sizning korхona YaST toʻlovchsis boʻlsa, lekin qurilish ishlarini moliyalashtirishda markazlashtirilgan resurslar jalb etilgan boʻlsa, siz ushbu ob’yektni realizatsiya qilish oborotlari boʻyicha QQS toʻlaysiz. Agar markazlashtirilgan mablagʻlar jalb qilinmagan boʻlsa, u holda QQS toʻlamaysiz.

Korхonangiz bu yildan umumbelgilangan soliqlar toʻlashga oʻtgan boʻlsa, qurilish ishlarini qaysi mablagʻlar hisobiga moliyalashtirilganidan qat’iy nazar, ob’yektini realizatsiya qilish oborotlari boʻyicha QQS toʻlaysiz.

Ma’lumot uchun. Markazlashtirilgan manbalar deganda – davlat byudjeti mablagʻlari, byudjetdan tashqari jamgʻarmalar va Hukumat qarorlari bilan tashkil etilgan alohida tarmoqlar va tashkilotlarning maхsus jamgʻarmalari, Oʻzbekiston Respublikasi Huqumati kafolati yoki uning nomidan jalb etiladigan chet el kreditlari, Oʻzbekiston Respublikasining Tiklanish va taraqqiyot jamgʻarmasi mablagʻlari, davlat boshqaruv organlari va davlat korхonalari mablagʻlari tushuniladi. Markazlashtirilgan manbalarni jalb qilgan holda qurilayotgan ob’yektlarga qurilish tashkilotlaridan tashqari, shuningdek moddiy resurslarni yetkazib beruvchilar (ishlab chiqaruvchi) ham tanlov asosida tanlab olinadi (VMning 12.09.2003 yildagi 395-son qarori bilan tasdiqlangan “Markazlashtirilgan manbalar hisobiga qurilishni tashkil etish, moliyalashtirish va kreditlash tartibi toʻgʻrisida”gi Nizomning 5-bandi).