"A" korxona "Qishloq Qurilish Invest" IK bilan shartnoma doirasida 1 mlrd.soʻmlik ishlarni bajarishi lozim. Ushbu shartnoma doirasida korxonaning xizmatlari PQ-2639-son Qaror bilan soliqlardan ozod etilgan. Mazkur ishlarning 200 mln.soʻmlik qismini bajarishga yordam berish uchun "A" korxona "B" korxona bilan oʻzaro subpodryad shartnoma imzolaydi. Shartnomaga asosan "B" korxona "A" korxonaga umumiy ish hajmining 5% miqdorida ishlarni tashkil qilishda yordam berganligi uchun xizmat haqqi toʻlab berishi koʻrsatilgan (uslugi genpodryada)."A" korxona "Qishloq Qurilish Invest" IK bilan tuzilgan sharnoma doirasida ish hajmi boʻyicha barcha turdagi soliqlardan ozod qilingan boʻlsa, "B" korxona tomonidan toʻlangan xizmat haqqiga soliq solinishi lozimmi?