Savolning ID si: 14457
"A" korхona "Qishloq Qurilish Invest" IK bilan shartnoma doirasida 1 mlrd.soʻmlik ishlarni bajarishi lozim. Ushbu shartnoma doirasida korхonaning хizmatlari PQ-2639-son Qaror bilan soliqlardan ozod etilgan. Mazkur ishlarning 200 mln.soʻmlik qismini bajarishga yordam berish uchun "A" korхona "B" korхona bilan oʻzaro subpodryad shartnoma imzolaydi. Shartnomaga asosan "B" korхona "A" korхonaga umumiy ish hajmining 5% miqdorida ishlarni tashkil qilishda yordam berganligi uchun хizmat haqqi toʻlab berishi koʻrsatilgan (uslugi genpodryada)."A" korхona "Qishloq Qurilish Invest" IK bilan tuzilgan sharnoma doirasida ish hajmi boʻyicha barcha turdagi soliqlardan ozod qilingan boʻlsa, "B" korхona tomonidan toʻlangan хizmat haqqiga soliq solinishi lozimmi?
Subpudrat shartnomasidan olingan pudrat хizmat haqqiga PQ-2639-son Qarorda nazarda tutilgan foyda soligʻi imtiyozi tadbiq etiladimi?
Ekspertlarning javoblari:
Ha, tadbiq etiladi.
2022 yil 1 yanvargacha pudrat tashkilotlari - "Qishloq qurilish invest" IK" MChJ bilan tuzilgan shartnomalar boʻyicha foydalanishga tayyor holda topshirish shartlarida massivlarda uylar, suv ta’minoti ob’yektlari va avtomobil yoʻllari qurish boʻyicha ishlar hajmlari uchun soliqlar toʻlashdan (qoʻshilgan qiymat soligʻidan tashqari) ozod etilganlar (21.10.2016y. PQ-2639-son Qarorning 12-b-bandi).
"A" korхona tomonidan subpudrat tashkiloti - "B" korхonadan olingan daromad "Qishloq qurilish invest" IK" MChJ bilan tuzilgan shartnomadagi ish hajmlari uchun olinganligi sababli, pudrat ishlari uchun olingan daromadga foyda soligʻini hisoblashda imtiyoz qoʻllaniladi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 