Savolning ID si: 14671
Oʻzbekiston Respublikasi Prezidentining 2019 yil 13 maydagi PF-5715-sonli Farmonining 13-bandiga muvofiq, 2019 yil 1 yanvarga qadar qurilishga ruхsat etilgan uy-joy fondi ob’yektlarini (2017-2021 yillarda qishloq joylarda yangilangan namunaviy loyihalar boʻyicha arzon uy-joylar qurish dasturiga, 2017-2020 yillarda shaharlarda arzon koʻp kvartirali uylarni qurish va rekonstruksiya qilish dasturiga kiritilgan ob’yektlar bundan mustasno) birlamchi uy-joy bozorida realizatsiya qilish oboroti 2020 yilning 1 yanvariga qadar qoʻshilgan qiymat soligʻidan ozod qilingan.
Ushbu imtiyozni qachondan boshlab qoʻllash mumkin?
Ekspertlarning javoblari:
Ushbu imtiyoz 2019 yil 14 maydan boshlab qoʻllanilishi mumkin.
5715-sonli Prezident Farmoni 2019 yil 14 mayda “Xalq soʻzi” gazetasida rasman e’lon qilingan. Farmonning oʻzida uning yoki uning biron bir bandining kechroq kuchga kirishi aytilmagan.
Normativ-huquqiy hujjatlar, agar hujjatlarning oʻzida kechroq muddat koʻrsatilgan boʻlmasa, ular rasmiy e’lon qilingan kundan e’tiboran kuchga kiradi. Prezident Farmonlari orqaga qaytish kuchiga ega emas va ular amalga kiritilganidan keyin yuzaga kelgan ijtimoiy munosabatlarga nisbatan tatbiq etiladi (“Normativ-huquqiy hujjatlar toʻgʻrisida”gi Qonunning 30, 31-moddalari).
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 