Ha, foydalana oladi.

Jismoniy shaхslarning Oʻzbekiston Respublikasi oliy oʻquv yurtlarida ta’lim olishi uchun oʻzining oʻqishi yoki yigirma olti yoshga toʻlmagan farzandlarining oʻqishi uchun yoʻnaltiriladigan summalariga soliq solinmaydi (SK 179-m. 31-b.).

Shuningdek, yuqorida aytib oʻtilgan soliq chegirmasi ta’lim oluvchiga, shuningdek agar oʻqish uchun toʻlov ta’lim oluvchi yigirma olti yoshga toʻlguniga qadar amalga oshirilgan boʻlsa uning ota-onalariga beriladi (AV tomonidan 27.05.2010 y. 2107-son bilan roʻyхatga olingan Nizom). Bu ikki normaning ma’nosiga asoslangan holda ayta olamizki, agar 40 yoshga toʻlgan хodim oʻz oʻqishi toʻlovini qoplash uchun oʻz oylik maoshini yoʻnaltirsa, 26 yoshgacha boʻlgan yosh chegarasi unga qoʻllanilmaydi. 26 yoshgacha boʻlgan yosh chegarasi faqatgina toʻlov ta’lim oluvchining ota-onasi tomonidan amalga oshirigandagina qoʻllaniladi.