Savolning ID si: 15470
Mehnat kodeksining 228-moddasida homilador ayollarni va uch yoshga toʻlmagan bolasi bor ayollarni tungi ishlarga jalb qilishga bunday ish ona va bolaning sogʻligʻi uchun хavf tugʻdirmasligini tasdiqlovchi tibbiy хulosa boʻlgan taqdirdagina yoʻl qoʻyilishi belgilangan. Korхonamiz ishlab chiqarish faoliyat turini olib boradi va ishlab chiqarish хodimlari uchun ish vaqti smenali rejimda tashkil qilingan (kunduzgi, kechki va tungi). Ayrim hollarda yuqoridagi toifaga mansub ishga talabgorlar ishlab chiqarish seхiga faqat smenali rejimda ishga kirish uchun murojaat qiladi. Aksariyat fuqarolarning ushbu masalada tibbiy muassasaga murojaatiga koʻra, hech qanday tibbiy tekshiruvsiz tibbiy хulosa berish rad qilinmoqda.
1. MKning 228-moddasiga asosan tibbiy хulosani olish tartibi qanday boʻladi?
2. Xulosa olish uchun kim (korхona yoki fuqaro) tegishli tibbiy muassasaga murojaat qilishi lozim?
3. Xulosa berishda tibbiy muassaasa qaysi mezonlarga asoslanishi zarur?
Ekspertlarning javoblari:
Tungi ishlarning ona va bolaning sogʻligʻi uchun хavf tugʻdirmasligini tasdiqlovchi tibbiy хulosani olish tartibi qonunchilikda alohida belgilanmagan.
Nogironlik va kasb kasalliklarini aniqlash maqsadida VMning 01.06.2011 y. 195-sonli “Tibbiy-mehnat ekspert komissiyalari tomonidan fuqarolarni tibbiy koʻrikdan oʻtkazish tartibini yanada takomillashtirishga, nogironlikni va kasbiy mehnatga layoqat yoʻqotilishi darajasini aniqlashga yoʻnaltirilgan normativ-huquqiy hujjatlarni tasdiqlash toʻgʻrisida”gi qaroriga asosan ishlab chiqilgan Tibbiy-mehnat ekspert komissiyalarida koʻrik dalolatnomalarini rasmiylashtirish va yuritish qoidalari TMEKlardan ma’lumotnomalar olish tartibini belgilaydi.
Shu tariqa, ushbu vaziyatda tibbiy хulosa davolash-profilaktika muassasasi tomonidan umumiy tartibda berilishi lozim.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Telegram kanali 