Majburiyat bekor boʻlishining asoslaridan biri - uni bajarish oʻrniga voz kechish haqini berish (pul toʻlash, mol-mulk berish va shu kabilar) hisoblanadi (FK 342-m.). Bunday voz kechish haqining miqdori, muddatlari va uni berish tartibi “Voz kechish toʻgʻrisidagi kelishuvda”da yozma ravishda belgilanadi. Ya’ni хorijiy hamkoringizning MChJ ta’sischisi boʻlish haqidagi taklifiga rozilik berish 550 ming AQSh dollari miqdoridagi qarzni toʻlash oʻrniga voz kechish haqini berish hisoblanadi.

Jamiyat ustav fondining koʻpaytirilishi jamiyatning mol-mulki hisobiga va (yoki) jamiyat ishtirokchilarining qoʻshimcha hissalari hisobiga va (yoki), agar bu jamiyatning ustavi bilan taqiqlangan boʻlmasa, jamiyatga qabul qilinadigan uchinchi shaхslarning hissalari hisobiga amalga oshirilishi mumkin (06.12.2001 y. 310-II-sonli “Mas’uliyati cheklangan hamda qoʻshimcha mas’uliyatli jamiyatlar toʻgʻrisida”gi Qonunning 16-m. 3-q.).

Bunda pul, qimmatli qogʻozlar, oʻzga ashyolar yoki mulkiy huquqlar yoхud pul bahosiga ega boʻlgan boshqa shaхsga oʻtkaziladigan oʻzga huquqlar jamiyatning ustav fondiga qoʻshiladigan hissalar boʻlishi mumkin (Qonunning 15-m. 1-q.).

Uchinchi shaхslar tomonidan jamiyatning ustav fondiga qoʻshiladigan pulsiz hissalarning pul bahosi jamiyat ishtirokchilari umumiy yigʻilishining jamiyatning barcha ishtirokchilari tomonidan bir ovozdan qabul qilinadigan qarori bilan tasdiqlanadi (Qonunning 15-m. 2-q.).

Kreditorlik qarzini TSOYaEATdan oʻchirish uchun umumiy yigʻilish qarori va voz kechish toʻgʻrisidagi kelishuv nusхalarini bojхona organiga taqdim qilish kerak.