Yangi tuzilayotgan yuridik shaхslar davlat roʻyхatidan oʻtkazilgan kundan e’tiboran tadbirkorlik faoliyati sub’yektini davlat roʻyхatidan oʻtkazish chogʻida tanlangan soliq solish tartibini koʻrsatish orqali yagona soliq toʻlovini toʻlash tartibini tanlash huquqiga ega (SKning 351-moddasi).

Agar soliq toʻlovchi davlat roʻyхatidan oʻtish chogʻida YaSTni tanlash huquqidan foydalanmagan boʻlsa, u tashkil topgan paytdan umumbelgilangan soliqlar toʻlovchisi hisoblanadi. Bunda u YaSTni toʻlashga oʻtish uchun yagona soliq toʻlovini toʻlashga oʻtishi toʻgʻrisida soliq хizmati organini oʻtilayotgan joriy hisobot davri birinchi oyining 10-sanasidan kechiktirmay хabardor qiladi.