Oʻzbekiston Milliy aхborot agentligining veb-saytida muntazam ravishda Prezidentning Farmon va qarorlari e’lon qilinadi. "Normativ-huquqiy hujjatlar toʻgʻrisida"gi Qonunning 29-moddasida NHH e’lon qilinadigan rasmiy manbalar aniq koʻrsatilgan, mazkur moddada Oʻzbekiston Milliy aхborot agentligi veb-sayti koʻrsatilmagan. Ushbu Qonunning 28-moddasi 5-qismida NHHni norasmiy nashrlarda e’lon qilishga NHH rasmiy manbalarda e’lon qilinganidan soʻng, ularning barcha rekvizitlarini, ular e’lon qilingan rasmiy nashrlarni va ularning kuchga kirish sanasini koʻrsatish sharti bilan yoʻl qoʻyilishi belgilangan.