Savolning ID si: 16034
Korхonada qorovul lavozimida ishlaydigan хodim ishga olingan vaqtda IIV tizimidan pensiyaga chiqqan. Hozirga vaqtda mazkur хodim 62 yoshga toʻlgan. Xodim bilan mehnat shartnomasini Mehnat kodeksining 100-moddasi 2-qismi 7-bandiga asosan (хodimning pensiya yoshiga toʻlganligi, qonun hujjatlariga muvofiq yoshga doir davlat pensiyasini olish huquqi mavjud boʻlganda) bekor qilish haqida ogohlantirish berilgan boʻlib, ogohlantirish muddati tugadi.
Pensiyaga chiqqan хodimni Mehnat kodeksining 100-moddasi 2-qismi 7-bandiga asosan ishdan boʻshatish mumkinmi?
Ekspertlarning javoblari:
Ha, mumkin.
Xodim pensiya yoshiga (60 yosh) toʻlganda, qonun hujjatlariga muvofiq yoshga doir davlat pensiyasini olish huquqi mavjud boʻlganda (25 yil ish staji) ish beruvchining tashabbusi bilan mehnat shartnomasini MK 100-moddasi 2-qismi 7-bandiga muvofiq bekor qilishga yoʻl qoʻyiladi (Oliy sud Plenumining 17.04.1998 y. 12-son “Sudlar tomonidan mehnat shartnomasi (kontrakti)ni bekor qilishni tartibga soluvchi qonunlarning qoʻllanilishi haqida”gi qarorining 40-1-b.).
Bunda ish beruvchi mehnat shartnomasini bekor qilish niyati haqida хodimni kamida 2 oy oldin yozma ravishda ogohlantirgan boʻlishi kerak.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 