Саволнинг ID си: 16034
Корхонада қоровул лавозимида ишлайдиган ходим ишга олинган вақтда ИИВ тизимидан пенсияга чиққан. Ҳозирга вақтда мазкур ходим 62 ёшга тўлган. Ходим билан меҳнат шартномасини Меҳнат кодексининг 100-моддаси 2-қисми 7-бандига асосан (ходимнинг пенсия ёшига тўлганлиги, қонун ҳужжатларига мувофиқ ёшга доир давлат пенсиясини олиш ҳуқуқи мавжуд бўлганда) бекор қилиш ҳақида огоҳлантириш берилган бўлиб, огоҳлантириш муддати тугади.
Пенсияга чиққан ходимни Меҳнат кодексининг 100-моддаси 2-қисми 7-бандига асосан ишдан бўшатиш мумкинми?
Экспертларнинг жавоблари:
Ҳа, мумкин.
Ходим пенсия ёшига (60 ёш) тўлганда, қонун ҳужжатларига мувофиқ ёшга доир давлат пенсиясини олиш ҳуқуқи мавжуд бўлганда (25 йил иш стажи) иш берувчининг ташаббуси билан меҳнат шартномасини МК 100-моддаси 2-қисми 7-бандига мувофиқ бекор қилишга йўл қўйилади (Олий суд Пленумининг 17.04.1998 й. 12-сон “Судлар томонидан меҳнат шартномаси (контракти)ни бекор қилишни тартибга солувчи қонунларнинг қўлланилиши ҳақида”ги қарорининг 40-1-б.).
Бунда иш берувчи меҳнат шартномасини бекор қилиш нияти ҳақида ходимни камида 2 ой олдин ёзма равишда огоҳлантирган бўлиши керак.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 