Asosiy majburiyatlaridan ozod qilmagan holda:

1) хodimni uning roziligiga koʻra oʻzining asosiy ishidan tashqari, vakant lavozim boʻyicha qoʻshimcha majburiyatlarni bajarishga jalb etish mumkin. Bunda mansab maoshiga qoʻshimcha haq toʻlanadi (MKning 160-moddasi). Bunday ish asosiy ish bilan bir vaqtda bajariladi va mehnat shartnomasiga oʻzgartirishlar kiritishni talab qilmaydi. Qoʻshimcha toʻlovning miqdorini belgilagan holda qoʻshimcha majburiyatlar yuklanishi toʻgʻrisidagi buyruqni chiqarishning oʻzi kifoya;

2) qoʻshimcha majburiyatlarni asosiy ish vaqtidan boʻshagan paytlarda bajargan taqdirda, хodim bilan oʻrindoshlik boʻyicha ishlash toʻgʻrisida ikkinchi mehnat shartnomasini tuzish mumkin. Unda shartnomaning turini koʻrsatish zarur (oʻrindoshlik boʻyicha) (MKning 160-moddasi; Nizomning 5-bandi, VMning 18.10.2012 yildagi 297-son qaroriga 1-ilova), stavka miqdorini (mehnatga haq toʻlash), ish vaqti rejimini belgilash kerak. Bu holda хodimga ikkinchi tabel raqami beriladi. Tabel 2 lavozim boʻyicha alohida-alohida yuritiladi: asosiy ish va oʻrindoshlik boʻyicha.