Sanoat oqimlari 990 000 kub.m sigʻimli idishga kelib tushadi. Bufer koʻllar Chirchiq daryosi boʻyidagi tekis maydonlarda joylashgan, ular kelib tushadigan oqimlarni aralashtirish, oʻrtachalashtirish, tindirish va aeratsiya uchun moʻljallangan. Koʻllarda oqimlar aeratsiyadan oʻtib, tindirilganidan keyin Chirchiq daryosiga kelib tushadi. Oqimlarning haqiqiy hajmi Chirchiq daryosiga suv chiqarib yuboriladigan joyda oʻrnatilgan suv oʻlchash reykasi koʻrsatkichlari boʻyicha aniqlanadi. Har yili korхona oʻrtacha 113 000 ming kub m suv oladi va taхminan 100 000 ming kub m suvni daryoga qayta quyadi. 2019 yilda 40 626 797 ming soʻm miqdorida suvdan foydalanganlik uchun soliq toʻlangan. Hisob-kitoblarga koʻra korхona olingan suvning 11–15%ini iste’mol qiladi.