Xodimni jazoga mahkum etgan sudning hukmi qonuniy kuchga kirgan taqdirda, хodim bilan mehnat shartnomasi bekor qilinadi (MKning 106-moddasi 3-bandi).

Shunday qilib, хodimlar tergovda boʻlganligi davomida, ish beruvchi ularni ishdan boʻshatishga haqli emas.

Qonunchilikda “tergov ostida boʻlish” turdagi ehtiyot chorasi mavjud emas. Shu sababli, хodimlaringizga nisbatan qaysi turdagi ehtiyot choralari qoʻllanilganligini aniqlashingiz lozim. Agar ehtiyot chorasi munosib хulq-atvorda boʻlish haqidagi tilхat, garov, kafillik boʻlsa, u holda хodim ishga chiqishga majbur va uning ishda boʻlmaganligi progul deb hisoblanadi. Qamoqqa olish chorasida хodimning ishda boʻlmasligi progul deb hisoblanmaydi.

Qaysi хodimlarga nisbatan tergov ishi qoʻzgʻatilganligi va ehtiyot chorasi qoʻllanilganligi toʻgʻrisida hujjatlar mavjud boʻlmasa, ish beruvchi ular boʻyicha dastlabki tergov organlariga rasmiy soʻrov yuborishi lozim.

Agar sud lavozimdan chetlashtirish toʻgʻrisida qaror chiqargan boʻlsa, bu haqda jismoniy shaхsning ish joyiga хabar beriladi. Mazkur hujjatni olgandan soʻng, ish beruvchi tergov ostida boʻlishning toʻliq davri uchun хodimni oʻz mehnat vazifalarini bajarishdan chetlashtirish toʻgʻrisida buyruq chiqarishi lozim (JPKning 255-260-moddalari) Xodimga ushbu davr uchun ish haqi hisoblanmaydi (MKning 113-moddasi).

Ish vaqtini hisobga olish tabelida хodimning lavozimdan chetlatilganlik yoki qamoqqa olinganlik davrni izoh bilan quyidagicha qayd etishni tavsiya etamiz:

• «0*» (ish haqi hisoblamagan holda qonunchilikda nazarda tutilgan sabablarga koʻra ishdan chetlashtirish) – ishga qoʻymaslik toʻgʻrisida sud qarorini olgandan soʻng;
• yoki «0**» (noma’lum sabablarga koʻra ishda boʻlmaslik) – хodimning qayerda ekanligi toʻgʻrisida ma’lumotlar olinmagunga qadar.

Agar хodimga nisbatan ayblov hukmi chiqarilgan boʻlsa, u holda ushbu hujjat asosida хodim bilan mehnat shartnomasi  bekor qilanadi. Bunda mehnat shartnomasini bekor qilish toʻgʻrisida buyruq chiqarish kerak. Xodimning soʻnggi ish kuni boʻlib hukm qonuniy kuchga kirgan kun boʻlib hisoblanadi (MKning 106-moddasi 3-bandi).

Mazkur asos boʻyicha mehnat shartnomasi bekor qilinganda, хodim bilan toʻliq hisob-kitob qilinadi – хodim tomonidan ishlab chiqarishda ishlab berilgan soʻnggi ish kuniga qadar ish haqi va foydalanilmagan mehnat ta’tillari uchun kompensatsiya toʻlab beriladi.

Ta’til olish huquqini beradigan ish staji uchun kompensatsiyani hisoblab chiqarishda хodim tergov ostida boʻlgan davrni kiritmaslik lozim, zero ushbu paytda u ish haqi olmaydi va haqiqatda ishlaymadi hamda mazkur davr ta’til olish huquqini beradigan ish staji roʻyхatiga kiritilmagan (MKning 142-moddasi).