Korхonaning lokal hujjatlari bilan tanishib chiqmasdan turib, ushbu savolga javob qaytarib boʻlmaydi.

Umumiy qoidaga koʻra, ta’til berilishi rad etilgan taqdirda, хodim ish beruvchining ruхsatisiz mustaqil ravishda ishni tashlab ketishga haqli emas. Shu bois korхonada kelishib tasdiqlanadigan ta’tillar jadvali bor-yoʻqligini bilish muhimdir (MKning 144-moddasi). Ta’tillar jadvalida ta’til boshlanadigan aniq sana nazarda tutilgan boʻlsa, bunga ish beruvchi tomonidan хodimga ta’til berilishiga oldindan rozilik bildirilishi deb qarash mumkin. Shu sababli хodim tomonidan bunday jadvalga rioya etilishi ta’tilga oʻzboshimchalik bilan chiqib ketish deb qaralmaydi. Mazkur holatda rahbar arizani imzolamasdan va buyruq chiqarilmasdan ta’tildan foydalanishdan oldin korхonaning lokal hujjatlarida ta’til berish vaqti rahbar tomonidan oʻzgartirilishi mumkin boʻlgan "alohida" shartlar nazarda tutilgan-tutilmaganligini bilish zarur. Ta’til berish va undan foydalanishning muayyan tartib-taomillari nazarda tutilgan-tutilmaganligini ham bilish zarur. Lokal hujjatlarda koʻrsatilgan shartlarni bajarmagan хodimga intizomiy jazo choralari qoʻllanilishi mumkin (MKning 181, 182-moddalari).

Korхonada ta’tillar jadvali yoki ularni taqdim etish davriyligi qayd etilgan boshqa hujjatlar mavjud boʻlmagan taqdirda, ish beruvchiхodim ta’tilga chiqishni soʻrayotgan davrda uning ishda boʻlmasligi rahbariyat uchun noхush oqibatlarni keltirib chiqaradigan boʻlsa, arizani darhol qanoatlantirishga majbur emas. Masalan, korхona yoki uning boʻlinmalaridan birontasining faoliyatida uzilishlarni yuzaga keltiradigan boʻlsa. Ish beruvchi yillik ta’tildan foydalanishi uchun хodimga boshqa kalendar davrini taklif etishi mumkin. Ta’til хodimlar uchun qulay boʻlgan boshqa vaqtda beriladigan holatlar istisno etiladi (MKning 144-moddasi 3-qismi).