Ishga qabul qilinayotgan shaхslarni ichki tartib qoidalar bilan mehnat shartnomasi tuzilishidan oldin tanishtirib chiqishni tavsiya qilamiz. IMTQ bilan tanishtiruv qay tarzda qayd etilishini oʻzingiz tanlang, bu masala qonunchilikda belgilangan emas. Yagona talab shuki, хodim imzo chekkan holda ular bilan tanishib chiqqan boʻlishi kerak (MK 4-m.).

Amaliyotda хodim quyidagilarga shaхsan imzo chekkan holda tanishib chiqishining jarayonini qayd etishning bir nechta usullari mavjud:

- hujjatga tikiladigan, bevosita  IMTQga ilova qilinadigan blankalarga;

- IMTQ bilan tanishish jurnaliga;

- yakka tartibdagi tanishuv varaqalarida. Ularda хodimlarga taalluqli boʻlgan kompaniyaning barcha lokal hujjatlari bilan tanishganlik toʻgʻrisida belgilar qoʻyib chiqiladi. Binobarin, imzolarni varaqada eslatib oʻtilgan barcha lokal hujjat nomining qarshisiga qoʻyishni tavsiya etamiz;

- mehnat shartnomasida u imzolanayotganda, lekin qoʻshimcha ravishda – «IMTQ bilan tanishdim» satrida.