Mehnat ta’tilida boʻlgan хodima vaqtincha mehnatga layoqatsizlik varaqasini olayotganda mehnat ta’tilini uzaytirish yoki boshqa muddatga koʻchirish huquqiga egadir (MK 145-m.).

Sizning holatingizda хodima unga berilgan mehnat ta’tilining 6 ish kunidan foydalanmayotir.

Xodima bilan kelishuvga muvofiq quyidagi variantlarni tanlash mumkin: 

- 2020 yilning 29 iyunidan 4 iyuliga qadar unga 6 ish kunilik foydalanilmagan mehnat ta’tilini berish va keyin 5 iyuldan boshlab bolani parvarishlash ta’tili beriladi (MK 234-m.). Lekin bu bilan uning bolani parvarishlash ta’tili qisqaradi va nafaqa olish huquqi keyinroq vujudga keladi. Xodima 6 ish kuniga teng boʻlgan nafaqaning ozgina qismidan mahrum boʻladi;

- mehnat ta’tilining foydalanilmagan kunlarini bola parvarishlash ta’tili tugagandan keyingi va ishga qaytadigan vaqtiga koʻchirish;

-ta’tilning koʻrsatilgan foydalanilmagan kunlari uning qoʻshimcha qismiga kiradi (15 ish kunidan ortiq foydalarilgan), sababi хodima amalda ta’tilining 18 ish kunidan foydalangandir. Shuning uchun хodimaning хohishiga koʻra, ulardan keyinchalik foydalanish huquqisiz ushbu kunlarni pullik kompensatsiyaga almashtirish mumkin (MK 134, 151-moddalari);

-  agar хodima bolani parvarishlash ta’tilidan foydalanishni istamasa, u homiladorlik va tugʻish ta’tili tugagandan keyin ishga tushish va mehnat ta’tilining foydalanilmagan kunlarini olish huquqiga ega boʻladi (MK 145-m.).

Tugʻish qiyin kechgan yoki 2 va undan ortiq bola tugʻilgan hollarda хodimaga tuqqanidan keyingi ta’tilning qismi 70 kalendar kungacha uzaytiriladi (MK 233-m.). Shu tariqa koʻrilayotgan vaziyatda dekret ta’tilining tugash sanasi 14 kalendar kunga oʻzgartiriladi va 2020 yilning 12 iyuliga qadar davom etadi. Bunday holda mehnat ta’tili foydalanilmagan qismining boshlanish va tugash hamda bolani parvarishlash ta’tilining boshlanish sanalari tegishli  tarzda oʻzgaradi.

Homiladorlik va tugʻish ta’tilida boʻlingan davr yillik asosiy ta’tilni olish huquqini beruvchi ish stajiga kiradi (MK 142-m.). Shu tufayli ayni vaziyatda bolani parvarishlash ta’tili boshlanishidan oldin хodima 2020 yilning 1 fevralidan 28iyuniga qadar (yoki hujjat bilan uzaytirilgan taqdirda 2020 yil 12iyuliga qadar) boʻlgan ish davri uchun toʻliq 5 oy uchun 10 ish kunilik mutanosib vaqtda ta’til olish huquqiga ega boʻladi. 15 kalendar kundan kamni tashkil etuvchi 29 iyundan 12iyulgacha boʻlgan davr (tugʻish qiyin kechganda) chiqarib tashlanadi va ta’til pulini hisob-kitob qilishda e’tiborga olinmaydi.

Ta’tilning koʻrsatilgan 10 ish kunlari хodimaning хohishiga koʻra naturada taqdim etilishi kerak.

Diqqat!

Keyinchalik ta’tilning foydalanilmagan qismiga boʻlgan huquq toʻgʻrisidagi ma’lumotlarni «yoʻqotib» qoʻymaslik uchun barcha vaziyatlarni T-2 shaklida aks ettirib qoʻying.