2019 yil soliq qonunchiligiga koʻra, import qilingan tovarlar realizatsiya qilinganda, QQS solinadigan baza realizatsiya qilinayotgan tovarlarning QQS kiritilmagan qiymatidan kelib chiqqan holda belgilanadi. Bunda soliq solinadigan baza mazkur tovar import qilinganda QQSni hisoblab chiqarish uchun qabul qilingan qiymatdan past boʻlishi mumkin emas (2007 yil tahriridagi SK 204-moddasi 6-qismi). Demak, QQS kiritilmagandagi realizatsiya qiymati past boʻlgan holda farq summasiga QQS hisoblanib, korхona хarajatlariga olib boriladi.

Soliq qonunchiligining ushbu talabini bajarish maqsadida korхona хarajatlariga olib boriladigan byudjetga toʻlanadigan soliq summalari 2019 yilda foyda soligʻini hisoblashda chegiriladigan хarajatlar tarkibiga kiritilgan (2007 yil tahriridagi SK 145-moddasi 21-bandi).