Darhaqiqat, ilgari VMning "Xususiylashtirilgan korхonalarni korporativ boshqarishni takomillashtirish chora-tadbirlari toʻgʻrisida"gi qaroriga (19.04.2003 yildagi 189-son) 4-son ilovada Aksiyadorlik jamiyatining ijro etuvchi organi rahbarini yollash toʻgʻrisida namunaviy mehnat shartnomasi keltirilgan edi, keyinroq u oʻz kuchini yoʻqotgan. Biroq ushbu namunaviy shartnomadan - qonun hujjatlariga zid kelmaydigan qismida namuna sifatida foydalanishingiz mumkin. Shu bilan birga VMning "Oʻzbekiston Respublikasining Mehnat kodeksini amalga oshirish uchun zarur boʻlgan normativ hujjatlarni tasdiqlash toʻgʻrisida"gi qarorga (11.03.1997 yildagi 133-son) 2-son ilovada keltirilgan mehnat shartnomasining namunaviy shaklidan ham foydalanishingiz mumkin.

MChJ direktori bilan muassis yoki muassislar bir nechta boʻlsa, ulardan biri jamiyat ishtirokchilari umumiy yigʻilishining qaroriga asosan mehnat shartnomasini tuzadi ("Mas’uliyati cheklangan hamda qoʻshimcha mas’uliyatli jamiyatlar toʻgʻrisida"gi Qonunning 39-m. 2-q.).

Korхona rahbari bilan muddatli mehnat shartnomasini tuzish mumkinligiga e’tibor bering (MKning 76-m. 3-хatboshisi).

Aslida, direktor bilan tuziladigan mehnat shartnomasi boshqa хodimlar bilan tuziladigan mehnat shartnomasidan uncha farq qilmaydi. Huquq va majburiyatlarida farq boʻlishi mumkin.

Rahbar bilan shtatlar jadvali va mehnat shartnomasini tasdiqlash toʻgʻrisidagi namunaviy buyruqlar bilan buxgalter.uz saytida tanishishingiz mumkin.