Intizomiy jazolar belgilangan tartibda qoʻllanilishi lozim (MK 182-m.).

Tashkilotlarda ichki mehnat tartibi qoidalarida хodimga ish joyida boʻlmaganligi holati va vaqti uchun intizomiy jazo choralarini qoʻllash nazarda tutilishi mumkin (MK 181-m.).

Avvalo mazkur holatda qoidabuzarlik sodir etilgan yoki sodir etilmaganligini aniqlab olishni tavsiya etamiz.

 1. Taqdim etilgan chaqiruv qogʻozining haqiqiy ekanligi shubha uygʻotgan boʻlsa, uni bergan prokuraturaga u yerda boʻlish dalili va vaqtini tasdiqlash uchun soʻrovnoma yuborish mumkin.

Bu holat tasdiqlangan taqdirda, хodim uyidan prokuraturagacha hamda prokuraturadan ishgacha kelishi uchun yoʻlga ketgan vaqt, koʻrsatilgan yoʻnalish boʻyicha transport qatnovining davriyligi hisobga olinishi lozim. Bular hammasi qoʻshilgan holda ishga kechikishning aniq vaqti belgilanadi, bunda kechikish mavjud boʻlsa qoidabuzarlikning darajasi aniqlanadi.

 2. Prokuratura tomonidan хodim chaqiruv qogʻozi bilan chaqirilganlik dalili tasdiqlanmasa, хodim esa oilaviy sharoitini sabab qilib koʻrsatadigan boʻlsa, хodimdan yozma tushuntirish хati berishni talab etgan holda ushbu holatlarning sabablarini aniqlash kerak boʻladi (MK 182-m.). Mazkur holatda хodimni ishga kechikishga majbur qilgan holatlar hisobga olinadi.